Xa temos cartel para a Pascua Xoven Arousa de 2026.

Este sábado,29 de novembro, o secretariado, reunido na Armenteira, presentou o cartel da 53 edición que se celebrará os días 17, 18 e 19 de abril no colexio filipense de Vilagarcía.

Este ano, dado o estado do mundo, a nosa aldea global, decidimos reflexionar sobre o amor, pero un amor polos demais, comezando polos que están máis preto de nós. Un amor que nos afaste do odio, do racismo e da xenofobia a través de accións e de pequenos e grandes detalles da nosa vida cotiá.
O testamento que nos deixou Xesús de Nazaret é claro: debemos amarnos uns aos outros se realmente queremos ser fillos de Deus e irmáns de todos os seres vivos. Así que amemos de palabra, de obra e con todo o noso corazón. AMADE.